ဥက္ကံမြို့ အကြမ်းဖက်ခံရမှု နောက်ခံ အခြေအနေနှင့် ဖြစ်စဉ် (တွေ့ဆုံမေးမြန်းခန်း) www.mgyelatt.blogspot.com

ဥက္ကံမြို့တွင် အကြမ်းဖက် မခံရမီ အခြေအနေနှင့် အကြမ်းဖက်ခြင်းအားကိုယ်တိုင်တွေ့ ကြုံရသည့် အဖြစ်အပျက်များနှင့် ပတ်သက်၍ ဥက္ကံမြို့နေ ဒေသခံတစ်ဦးနှင့် M-Media မှ ဆက်သွယ်မေးမြန်း ခဲ့ပါသည်။

ဥက္ကံ အကြမ်းဖက်မှုကြောင့် ဖျက်ဆီးခံရသည့် အစ္စလာမ်ဘာသာဝင်တို့ ၏ နေအိမ်နှင့် ဈေးဆိုင်များ

“ ကျွန်တော်တို့ ဥက္ကံမြို့လေးဟာ ဒီလိုဆိုးဝါးတဲ့ အဖြစ်အပျက်တွေ မဖြစ်ခင်တုန်းက ဆိုရင် အားလုံး အေးအေးချမ်းချမ်း ချစ်ချစ်ခင်ခင် နေထိုင်လာတဲ့ မြို့လေးပါ။ ကျွန်တော်တို့ မြို့ကို ဒီလို အကြမ်းဖက်မခံရမီ နှစ်ပတ်အလိုက ၉၆၉ တရားပွဲကြီးကို ဘုရားကြီး ကျောင်းဝင်းမှာ (၃)ရက်၊ ၀တ်ကျောင်း ဆွမ်းချက်ရုံမှာ (၃)ရက် တရားဟောကြားခဲ့ပါတယ်။ ဘုရားကြီးကျောင်းဝင်းမှာ ဒုတိယနေ့က ဟောကြားတော်မူတဲ့ ဆရာတော်တစ်ပါးတည်းသာ ၀တ်နည်းနဲ့ အညီ တရားစစ် တရားမှန်သာ ဟောကြားခဲ့တာပါ။ ကျန်တဲ့ နေ့တွေမှာ ဟောကြားခဲ့တဲ့ ဆရာတော်တွေကတော့ သွေးကြွစေတဲ့၊ သွေးပူစေတဲ့၊ ဘာသာတစ်ခုနဲ့ တစ်ခု ရင်းနှီးချစ်ခင်မူကို ပျက်ပြားစေတဲ့ တရားတွေ ဟောကြားခဲ့ပါတယ်၊ တရားပွဲတွေမှာ တရားရေအေးတိုက်ကျွေးတာမျိုး မဟုတ်ဘဲ လက်ခုပ်တွေ တညံညံနဲ့ ဘာသာရေး၊ အမျိုးသားရေး အစွန်းရောက်စေဖို့ သွေးကြွစေတဲ့ သီချင်းတွေက မြိုင်မြိုင်ဆိုင်ဆိုင် ဖွင့်ထားပါတယ်။ လူမျိုးရေး မုန်းတီးစေတဲ့ သီချင်းတွေ၊ DVD တရားခွေတွေကလည်း လွန်ခဲ့တဲ့ တစ်လကျော်လောက်ကတည်းက ၉၆၉ အမည်ခံပြီး အယောက် ၄၀လောက်က လှုံဆော်နေခဲ့တာပါ။

အဲဒါတွေရဲ့ နောက်ဆက်တွဲ ဆိုးကျိုးတွေကတော့ နှစ်ပေါင်းကြာရှည်စွာ အတူယှဉ်တွဲပြီး တစ်ယောက်ကို တစ်ယောက် ချစ်ခင် စည်းလုံးစွာ နေလာကြတဲ့ သူတွေဟာ အမြင်စောင်းလာကြတယ်၊ အကြမ်းဖက်မူ မဖြစ်ခင်မှာပဲ “ကုလားတွေကို လုပ်ချင်တာ လက်ကို ယားနေတာပဲ” လို့ မကြားတကြားပြောသံတွေ ပြောလာကြပါတယ်၊ အရင်တုန်းက အဲလိုမျိုး မဟုတ်ပါဘူး၊ တိတိကျကျ ပြောရရင် တရားပွဲတွေ အပြီးမှာ ခုလို ပြောင်းလဲလာကြတာပါ။

ဥက္ကံမြို့ အကြမ်းဖက်မှု ဖြစ်စဉ်မှ မြင်ကွင်တခု (ဓါတ်ပုံ ပဲခူးသတင်း-FB)

မွတ်စလင်မ်ဆိုင်တွေ၊ အိမ်တွေ ၉၀ရာခိုင်နှုန်း အဖျက်အဆီး ခံရပါတယ်၊ ဥက္ကံမြို့မှာ ဗလီ နှစ်လုံးပဲ ရှိတာပါ၊ ဈေးဗလီ (ဂျာမေလ်ဗလီ)ရယ်၊ လမ်းချိုး ဗလီရယ်ပါ။ ဈေးဗလီကတော့ လုံခြုံရေးတွေ ရောက်လာလို့ မှန်ပဲကွဲသွားပါတယ်၊ လမ်းချိုးဗလီကတော့ အုတ်တံတိုင်းတွေ ပြိုသွားတယ်၊ ဗလီ အတွင်းထဲက ပန်ကာတွေ၊ မီးခွက်တွေ၊ မီတာဗုံးတွေ အတွင်းပစ္စည်းတွေ အကုန် ဖျက်ဆီးသွားပါတယ်။

မြို့ပေါ်မှာ စပြီးဖျက်တာက ဘူတာနားက ဆိုင်ကနေ စလိုက်တာ တစ်မြို့လုံးမှာ ရှိတဲ့ မွတ်စလင်မ်အိမ်တွေ အကုန်လုံးပဲ၊ ရစရာ မရှိအောင်၊ ကုန်းကောက်စရာ မရှိအောင်ကို စိန်ပြေ နပြေ ဖျက်ဆီးကြတာပါ၊ နေ့ခင်းကြောင်တောင်ကြီးကို အကြမ်းဖက်သူတွေရဲ့ လက်ထဲမှာ သံဒုတ်တွေ၊ ဓားတွေ၊ ပေါက်ဆိန်တွေ၊ သံတွင်းတွေ၊ ရဲဒင်းတွေ၊ ခြောက်ပေါင်တူ၊ ဆယ်ပေါင်တူ တွေကိုယ်စီနဲ့ လိုက်ဖျက်ဆီးခဲ့ကြတာပါ၊ အဲဒီ အကြမ်းဖက်သမား တွေက ရေသိုးရွာ၊ ဇီးပင်ဈေးရွာ၊ သရက်ကုန်းရွာ၊ ငပြေမအင်းရွာ၊ ပါနောအိုင်ရွာ၊ သရက်တောရွာ တွေက လက်လုပ်လက်စား၊ အရက်သမား၊ ဖဲသမား အများစုပါ။ ဥက္ကံမြို့ပေါ်က တချို့လည်းပါတယ်။

မီးရှို့ဖျက်ဆီးခံလိုက်ရသော ဗလီဝတ်ကျောင်းတော် (ဓါတ်ပုံ AP)

အဲလို မြို့ပေါ်မှာ လုပ်နေတုန်းမှာပဲ ဖုန်းနဲ့ ရွာတွေဘက်ကို ချိတ်ပါတယ်၊ ဖုန်းတွေနဲ့ ကြိုတင် ချိတ်ကြတယ်လို့ သိရပါတယ်၊ ပနီပင်ရွာ အုပ်ချုပ်ရေးမှူး ဦးသိန်းစိုးတို့ သားအဖ နှစ်ယောက်က ဦးဆောင်ပြီး မွတ်စလင်မ်ရွာတွေ ဖြစ်တဲ့ ကျွဲကုန်း၊ ခြောက်တဲ၊ မီးလောင်စခန်း အဲဒီရွာ သုံးရွာ အကုန်ကုန်တာပဲ မီးရှို့ကြတာ။ ပနီပင်ရွာနဲ့ ၀ံကိုက်ရွာ ကိုလည်း သူတို့ အကြမ်းဖက်သမားတွေက စိတ်တိုင်းကျ မဖျက်ဆီးလိုက်ရလို့ သိပ်မကျေနပ်ကြဘူး၊ ပနီပင်ရွာ က ဗမာပနီပင်ရွာ အပိုင်းရယ်၊ မွတ်စလင် ပနီပင်ရွာ အပိုင်းဆိုပြီး အပိုင်းနှစ်ခုပါ၊ ဗမာ ပနီပင်မှာက အိမ်ခြေ (၂၀)လောက် ရှိပါတယ်၊ မွတ်စလင်မ် ပနီပင် မှာတော့ အိမ်ခြေတစ်ရာကျော် လူဦးရေ (၇၀၀) နီးပါး နေထိုင်တာပါ။ အဲဒီ့ ဗမာပနီ ပင်ရွာ အနီးနားမှာနေတဲ့ မွတ်စလင်မ် တဲအိမ်လေး သုံးတဲ ရှိပါတယ်၊ ဆင်းရဲတဲ့ မိသားစုလေး နေထိုင်တဲ့ တဲအိမ်လေးကိုလည်း ဖျက်ဆီးလိုက်ကြတယ်၊ လူတွေကတော့ ထွက်ပြေးကြတော့ ဘာမှ မဖြစ်သွားပါဘူး၊ မွတ်စလင်မ် ပနီပင်ရွာဘက်ကို ၀င်တော့ ပြန်ခုခံကြပါတယ်။ အဲဒီမှာ ပနီပင်ရွာက ဇော်ဇော်နိုင်က ဗမာ ဦးစိန်ကုလား လင်မယားက သံဒုတ်နဲ့ ရိုက်လိုက်လို့ ရန်ကုန်ဆေးရုံကြီးမှာ ကွယ်လွန်သွားပါတယ်၊

အမှန်တော့ ဥက္ကံမြို့ဟာ ဒီလို အကြမ်းဖက်လုပ်ရပ်တွေ မဖြစ်သင့် မဖြစ်ထိုက်တဲ့ မြို့ပါ၊ အခု ဒီအဖြစ်အပျက်ဟာ လူမျိုးရေး မုန်းတီးရေး၊ အစ္စလာမ် ဘာသာဝင်တွေ တိုးတက်ကြီးပွားတာကို မနာလိုစိတ်ကြောင့် ဖြစ်တာလို့ မြင်ပါတယ်၊ ကျွန်တော်တို့ မြို့လေးဟာ ရန်ကုန်ပြည်သူလူထု စားသောက်ဖို့ အတွက် အသား၊ ငါးတွေကို တင်ပို့နေတဲ့ မြို့လည်း ဖြစ်ပါတယ်၊ ခုဆိုရင် လူမူရေး၊ စီးပွားရေးတွေ ပျက်ဆီးချို့ယွင်းသွားပါပြီ၊ တစ်ဦးနဲ့ တစ်ဦး သံသယစိတ်တွေ ဖြစ်ပေါ်နေပါတယ်။ မနေ့က စပြီး ဖျက်ဆီးခံလိုက်ရတဲ့ ဆိုင်တွေက ရှိတာလေးနဲ့ ပြန်ဖွင့်ကြပါတယ်။ ဒါကို ဟဲ့ ကုလားမတွေက ဒီလောက်လုပ်ခံထားရတာတောင် ဆိုင်ဖွင့်နိုင်သေးတယ်” လို့ပြောကြဆိုကြပါတယ်၊ မွတ်စလင်မ်တွေက သည်းခံခြင်းတရားကို ရင်ဝယ်ပိုက်ပြီး ငြိမ်ခံ နေကြပါတယ်၊ ဘာမှ ပြန်လည် ပြောဆိုခြင်း မလုပ်ကြပါဘူး၊ အဲလောက်ထိကို သူတို့တွေရဲ့ စိတ်ဓာတ်တွေက နိမ့်ပါး၊ နိမ့်ကျ ကုန်ပါပြီ။

ဥက္ကံမြို့တွင် ဒီအရေးအခင်းကြီး ဖြစ်လာအောင် ဦးဆောင်ပြီး ဖုန်းနှင့် လှုံ့ဆော်သူများနှင့် အကြမ်းဖက်၍ အိမ်များလိုက်လံ ဖျက်ဆီးသူ အချို့၏ အမည်စာရင်းကို M-Media မှ လက်ခံရှိထားပါသည်